بمناسبة حضوري حفل أنوشكا الذي انتهى منذ بضع ساعات إليكم كلمات أغنية يا قلبي

ما تكونش في يوم غير ذاتك
بإيديك ارسمها حياتك
وإن كسروا جناح عصفورك
أو كنت سجين ورا سورك
اخرج من ذل سكاتك
بإيديك ارسمها حياتك
ما تكونش في يوم
غير ذاتك

افتح بابك للشمس
والمس أحلامك لمس
كون نفسك من اللحظة دي
كونها بصدق وحرية
يا حاتقدر على الدنيا دي
يا عليك راح تقدر هي
يا قلبي

لو كان الحلم بعيد
وطريقك صعب عنيد
اسبح على الموج العالي
امسك بإيديك الكون
مهما حاتستنى ليالي
راح تقدر بكرة .. حاتقدر بكرة تكون
يا قلبي

بنتولد طاهرين
بنتولد شبعانين
بنتولد متلهفين على صدر أم و كتف أب
مرتاحين

بنتولد باكين
بنتولد مش عارفين
بنتولد مش خايفين
وإسمنا في درب الحياة بنى ادمين
بنتولد دفيانين
بنتولد صافيين
بنتولد صادقين
كما زرعة خضرة فى أرض طين
زرعة حصادها حصاد عمرالسنين
الحلو والمر والطيب والحزين

بنتولد مش داريين… بالرايحين والجايين
نكبر وتكبر بينا أعمار السنين
ونكره السنين… وتكرهنا السنين
ونجرح البشر ونجرح نفسنا مع إننا
بنتولد طاهرين
بنتولد شبعانين
بنتولد متلهفين على صدر أم و كتف أب
مرتاحين

كلمات: عبد الرحيم منصور

غناء: محمد منير

ألحان: هاني شنودة

أيام نحب تهدي لكن ما بتهديش
أيام نحب تعدي لكن ما بتعديش
أيامنا مكتوبة، مكتوب علينا نعيش
أيااااااام

أيام تجينا نشكي واليوم يعدي سنين
وتشوفنا واحنا بنبكي ما تحس بالباكيين
وتقول لنا “ده طبعي” نشكيها بس لمين؟
أياااااام

أغنية لأنوشكا لا أعرف مؤلفها، وإن كان يُحتمل أن تكون أنوشكا مؤلفة الكلمات

الأطفال كالورود تنمو من حبنا

كالملاك عطرها .. الأطفال

الأطفال كالورود لا يجوز ملكها

خوفاً من كسرها .. الأطفال

الأطفال كالورود

كالندى على الغصون

يحملون شوكنا .. الأطفال

الأطفال كالورود

يوقظون ضميرنا

يحملون كسرنا .. الأطفال

الأطفال كالورود تنمو في قلوبنا

ليتهم يكبرون خلف أشواك الصراع

ليتهم يكبرون دون أشواك الصراع

إنهم أبرياء .. الأطفال

(لا أعرف اسم المغنية ولكن الأغنية من أعمال أوليفر شانتيه)

عندما تُقطع آخر شجرة

عندما يُسمم آخر نهر

عندما يُصطاد آخر سمكة

عندها فقط تدركوووون أن المااااال لا تأكلووووه

Only after the last tree has been cut down,

Only after the last river has been poisoned,

Only after the last fish has been caught,

Only then will you find that money cannot be eaten.

(Cree Indian Prophecy)

قدم أوليفر شانتيه الكلمات العربية  ملحنة في أغنية

غريبة غريبة

غريبة ومش غريبة

إني أكون ويا الحبيبة

تكون ليا مبتسمة ورحيبة

وفجأة أكون زي القلوع

ساعة الغروب مروحين

بلا شطوط ولا حنين

وانطفي في الحال منغير سؤال

غريبة غريبة

غريبة ومش غريبة

إني أكون في لحظة مخيفة

خبر كان وسط الصحيفة

وفجأة أكون زي السطور

زي السطور المليانين

بحاجات كتيرة منورين

وانطفي في الحال منغير سؤال

غريبة غريبة

غريبة ومش غريبة

إني أكون في خطوة بريئة

لما أدور عالحقيقة

وفجأة أكون زي الجنون

زي الجنون جوا العيون

مالهش لون مالهش كون

وانطفي في الحال

منغير سؤال

غريبة غريبة

غريبة ومش غريبة

كلمات:مجدي نجيب

ألحان: هاني شنودة

غناء: محمد منير

مأ أروع مشاعر الشاعر ورهافة حسه

 ينساني دراعي اليمين

ينساني دراعي الشمال

ينساني نني العين

وآهة الموال

 لو نسيت القدس

 ينساني فرحة في عينية

ودنيا خضرة جاية

ينساني قلب الجميع

ينساني بسمة رضيع

لو نسيت القدس

 تنساني أفراحي

ينساني صباحي

تنساني الشموس

وتنكرني النفوس

والنجوم والقمر

والمطر والشجر

تنساني الشوارع والبيوت

وأدبل أدبل أموت

لو نسيت القدس

 ينساني فرح النهار

وضلة الديار

ورنة الأوتار

وضحكة كل جار

لو نسيت القدس

 ينساني بسمة ولاد

ولهفة اللقاء

وفرحة الميلاد

أبواب كل البلاد

لو نسيت القدس

 تنساني أفراحي

ينساني صباحي

تنساني الشموس

وتنكرني النفوس

والنجوم والقمر

والمطر والشجر

تنساني الشوارع والبيوت

وأدبل أدبل أموت

لو نسيت القدس 

سؤال بسألك إيه آخرة الترحال
وسهر الليالي وكل يوم بحال
سؤال بسألك إيه آخرة الأحزان
دمعتي موالي والحنين قتال
سؤال بسألك إيه آخرة الأحلام
ليلاتي وخداني لبحر من الأوهام
سؤال بسألك إيه آخرة العذاب
تاعبني سؤالي يا ريت ألاقي جواب
آه آه آه آه آه آه آه آه آه آه
يا ريت ألاقي جواب

كلمات: مجدي نجيب
تلحين: أحمد منيب
غناء: محمد منير