داير ما يدور

داير مايدرور شوارع
داير ما يدور بيوت
عنوانى لسة ضايع
فى شارع السكوت
تايه وسط الزحام
وقلوب زى الرخام
والآهة وراها آهة
والليل زى التابوت
…………………………
يا قمر ليل الغلابة
انت اللى ليهم قوت
حيشاك عنى السحابة
امتى عليا تفوت
تايه وسط الزحام
وقلوب زى الرخام
والآهة وراها آهة
والليل زى التابوت
………………………….
أيامى راح زمانها
وزمانى نسينى ليه
ونجومى ضاع مكانها
ومكانى مش لاقيه
تايه وسط الزحام
وقلوب زى الرخام
والآهة وراها آهة
والليل زى التابوت
………………………….
………………………….

كلمات : عبد الرحمن ابوسنة
ألحان وتوزيع :حميد الشاعرى

Published in:  on March 2, 2006 at 4:50 pm Comments (7)