لا تعليق هو أفضل تعليق على أغنية بهذه الكلمات!
هزني .. هزني من جوة .. هز بقوة
غيّر كل خرايط الكون
غيّر مواعيد وساعات اليوم
هزني .. هزني من جوة .. هز بقوة
غيّر ترتيب أيام الشهر
غيّر ألوان السما والبحر
كسّر أصنامي
علمني أتمرد على أوهامي
علمني أثور على نفسي وعلى أحزاني
واهرب من الخوف وأحب
هزني .. هزني من جوة .. هز بقوة
كنا صغار وكبرنا
رحنا مدارس واتعلمنا
إزاي نتستّر على مشاعرنا
زي أسير هربان
من الحكم من الإعدام
قضبان وراها قضبان
وحيطان حواليها حيطان
إحنا السجين وإحنا السجان
وحياتنا عيب وحرام وغلط وكلام وكلام وكلام
هزني .. هزني من جوة .. هز بقوة
قريت كتير … وماتعلمتش
قطعت تذاكر … لكن ماسفرتش
مشيت ، مشيت … سنين ماوصلتش
الليل زي النهار .. الصيف زي الشتا
في حيرة الانتظار ودمعة البكاء
الليل من أحلام .. ونهار من غير أمل
وتنتهي الأيام بالوحدة والملل
علمني أضحك .. علمني أبكي
علمني أكون على طبيعتي
علمني أفكر وصوتي عالي
علمني أصرخ وأقول “بحبك”
هزني .. هزني من جوة .. هز بقوة
غير كل خرايط الكون
غيّر مواعيد وساعات اليوم
غيّر ترتيب أيام الشهر
غيّر ألوان السما والبحر
كسّر أصنامي
علمني أتمرد على أوهامي
علمني أثور على نفسي وعلى أحزاني
وأعيش وأعيش وأحب
كلمات: هاني زكي
ألحان: هاني شنودة
ألبوم: ابدأ من جديد
ensana
كلام جميل وعرض طيب
تسلمى علية
وفقنا الله لما فية الخير
مع خالص تحياتى
www. AFKaaaR.blogspot.com
http://www.3alam.blogspot.com
مش عارف انت ازاي مسكتي اعصابك من التعليق على كلام زي ده
بس انا هاحاول اعمل زيك واسكت
أنا سكوتي مش مسكان أعصاب ولا حاجة .. أنا سكوتي حاجة تانية.. متمسكش أعصابك وقول اللي انت عايزه .. يا ترى الكلمات دي أثارت أعصابك ليه؟؟
انا فضلت ساكت و ماحبتش اعلق و لكن دلوقتى ممكن اقولك ان كلمات الاغنية ديه هزتنى و اثارت جوايا شعور بالقىء
( مش عارف ازاى استحملتى تكتبى الكلام ده على الكمبيوتر قبل النشر )ـ
ليه؟؟ انت قريتها إزاي؟؟ إيه اللي وصلك منها؟؟ ليه الشعور بالقيء؟؟ أنا مش فاهمة!! من الواضح إن تأثيرها عليك غير علي تماماً، أنا عايزة أسمع وجهة نظرك
zatak.blogspot.com
ربما على هذه المدونة يوضح ماوراء الأغنية أو الغرض منها ورأيكم يهمني
بما انك طلبتى تعرفى وجه نظرى فانا استاذنك تدينى مهلة يومين علشان اقدر اجمع كل الافكار اللى خلتنى اشعر بده , مش هروب و لكن فرصة اكبر لتجميع النقط اللى خلتنى احس كده
موعدنا الخميس ان شاء الله
في انتظار تعليقك يوم الخميس بإذن الله:)
اهلا انسانة
يقولون الجواب يبدا من عنوانه و انا اقول ان الاغنية تبدأ من مطلعها و هنا لا اريدك ان تفهمى انى سف احكم على الكلمات من المطلع فقط و لكنه يعطى انطباع عنها بالتأكيد
اول ما تبادر لذهنى عند قراءة ” هزنى .. هزنى بقوة .. هزنى من جوة ” ان المغنيه تعمل راقصة و تخاطب الطبال بهذة الكلامات و تدعوه ان يهزها و لم استطيع الا تخيلة كفيديو كليب هابط من اياهم , لان ببساطة مش ديه الكلامات اللى ممكن تعبر عن اى شعور بالنسبة لى , انا بكتب شعر على خفيف و اكبر مشكلة بتواجهنى هى ازاى اقدر اعبر عن شعور او احساس مهما كان بسيط , ازاى الاقى الكلمات اللى ارصها ورا بعض بطريقة معينة فتخرج و تعدى حدود الكلمات و توصل معنى , دايما مقتنع ان الاحاسيس و المشاعر هبة من عند الله و انها شىء سامى و له مكانة كبيرة و انه من الصعب انى اعبر عن حاجة ربنا وهبهانى بالكلمات البشريه و علشان كده انا اقعدت اكتب فى قصيدة لمدة سنتين و لسه فيه كام واحدة مش عارف اكملها لحد دلوقتى , لو بصيتى فى سلة مهملاتى ممكن تلاقى قصايد كاملة مرميه فيها و السبب : الاحساس
ده اللى انا مقدرتش احسه فى كلمات الاغنيه , مقدرتش احس ان ممكن حد يكلم حبيبه و يقوله هزنى , الم تجد كلمة اخرى غير الهز للتعبير عن رغبتها فى التغيير ام ان مصطلحات اللغة العربية انقرضت ……ـ
فيه بعض الجمل بتعتمد على وحدة البيت اى ان الجملة مالهاش اى علاقة باللى بعدها زى
” قريت كتير لكن متعلمتش
قطعت تذاكر لكن ماسفرتش “
غير انى مش موافق على الجملتين اساسا من ناحية المعنى , يعنى مش لازم اقرأ علشان اتعلم بالعكس التعليم يحتاج اشياء كتيرة غير القراْءة , اين التجارب الشخصية , اين التعاملات مع الاخرين , اين السقطات و النهوض من جديد …….. , و الا داهية لتكون قصدها التعليم الدراسى , تبقى مصيبة لو كانت امية …:)ـ
الجمل ديه اعطتنى انطباع ان الكاتب حاول يظبط قافية و السلام و انه مش ممكن يكون قعد يفكر فيها كتير
و من ناحيه اعمق , اجد ان فى الكلمات شىء من السلبية , فهى تنتظر ان يأتى الشخص لكى يهزها على حد قولها و اين محاولاتها الشخصية , اين مساعها قبل ان تطلب المساعدة
و علشان استوفى الحياد فى التحليل احب اوضح ان فيه بعض الجمل اللى عجبتنى و ان الكلمات ممكن تكون اغنية كويسه ببعض التغيير
معرفش ايه وقع وجهة نظرى عليكى – احب اسمع تعليقك – المهم ان الاختلاف لا يفسد للود قضية و اسف على الاطالة بس انتى اللى طلبتى وجهة نظرى
كل سنة و انتى طيبة و سنه سعيدة عليكى ان شاء الله
إنسان، فليكن عام 2006 عاماً جميلاً مليء بالإنجازات والنجاحات إن شاء الله.. أعتذر عن تأخري في الرد.. سأحاول ألا أؤخره عن مساء الغد بإذن الله
ذكرتني بكلمات للفيلسوف والكاتب العظيم الدكتور طارق علي حسن أننا أصبحنا نربط بعض المصطلحات بأحاسيس معينة ومواقف معينة حتى أننا نفقدها موضوعيتها .. ففور أن قرأت كلمة “هزني” لم تستطع أن تمحو من تفكيرك ارتباط تلك الكلمة بالرقص والإسفاف والابتذال الذي نراه كل يوم، رغم أن لا الكلمة في هذا السياق ولا الأغنية تمت للإسفاف بصلة، بل هي أغنية تعبر بعمق عن جمود الفكر وسجن الذات وموتها والرغبة في إحيائها وتحريرها ..
كما إنك تبدأ تعليقك بـ”يقولون” هكذا اعتدنا أن نكون أتباع لأفكار وأقوايل ونسينا فرديتنا وكيف نثريها وكيف نستخدمها..
لقد أضاع عليك الانطباع الأول الذي تركه عنوان الأغنية أن يصلك مضمونها الذي إذا أعطيته فرصة لربما اكتشفت ما وراء الأغنية من رسالة تدعو كل إنسان للعودة إلى طبيعته وإرادته وإحياء مشاعره كما توضح كيف أننا أصبحنا نتبع شعارات وكيف حوّلنا حياتنا إلى أكاذيب وصدقناها .. وكيف أصبحت أفعالنا بلا معنى ولا عمق … الخ
الاختلاف أيضاً قضية لا نعترف بها، لم نعتاد أن الاختلاف أمر وارد بل ويمكن أن يكون جميلاً ..فإذا كنت تكره أنت أن تستخدم كلمة “هزني” في التعبير عن مشاعرك فقد وجدها شاعر غنائي غيرك أنسب كلمة للتعبير عن أفكاره ومشاعره فلم تظلم عمل فني بسبب استخدامه لكلمة لا تحبها؟؟ هكذا نحن دائماً “أنا صح” “هم غلط” ولا نعترف بالنظرية الجديدة المؤكدة بأن كل منا يمكن أن يكون على حق وكل منا يمثل بعد من أبعاد الحياة أو بعد لموضوع معين ..
سبحان الله.. أنا وصلني معنى أعمق بكتير من اللي وصلك من جملة “قريت كتير .. ومتعلمتش”
وهي أننا رغم قراءاتنا في الكتب أو في الحياة أو في الناس .. نظل دون تعلم حقيقي ودون تطبيق لما تعلمناه وبالتالي يفقد ما نتعلمه قيمته فما قيمة المعلومات إذا ظلت حبيسة الأدمغة.. بل قيمتها في تحويلها إلى سلوكيات ومواقف .. انظر حولك يا صديقي العزيز تجد بدلاً من المثال .. ألف مثال…
أشكرك جداً على مشاركتك لوجهة نظرك وأرجو أن تعذرني في تأخري عن التعليق!!!
وأؤكد لك أن الاختلاف لا يفسد للود قضية:) أرجو ألا تغير أنت رأيك!!
انا لم اغير رأيى
و بعد اذنك احب ان اعقب على بعض الجمل فى تعليقك و اوضح البعض الاخر فى تعليقى السابق
1 )
كما إنك تبدأ تعليقك بـ”يقولون” هكذا اعتدنا أن نكون أتباع لأفكار وأقوايل
اظن انى كتبت بعد كلمة يقولون …. اما انا فاقول …..ـ
2)
لقد أضاع عليك الانطباع الأول الذي تركه عنوان الأغنية أن يصلك مضمونها الذي إذا أعطيته فرصة لربما اكتشفت ما وراء الأغنية
و اظن انى كتبت بالحرف الواحد ” و علشان استوفى الحياد فى التحليل احب اوضح ان فيه بعض الجمل اللى عجبتنى و ان الكلمات ممكن تكون اغنية كويسه ببعض التغيير “ـ
3)
الاختلاف أيضاً قضية لا نعترف بها، لم نعتاد أن الاختلاف أمر وارد بل ويمكن أن يكون جميلاً ..فإذا كنت تكره أنت أن تستخدم كلمة “هزني” في التعبير عن مشاعرك فقد وجدها شاعر غنائي غيرك أنسب كلمة للتعبير عن أفكاره ومشاعره فلم تظلم عمل فني بسبب استخدامه لكلمة لا تحبها؟؟
و اعتقد انى قلت , لان ببساطة مش ديه الكلامات اللى ممكن تعبر عن اى شعور بالنسبة لى ,
و هنا قصدت ان اكتب كلمة بالنسبة لى لانه رأيى الشخصى و هو لا يمنع ان يستخدمها اى شخص اذا كان مقتنع بها و هذا حقه
4)
هكذا نحن دائماً “أنا صح” “هم غلط” ولا نعترف بالنظرية الجديدة
و كما قلتى انا صح و غيرى ايضا صح لانه احساس و لا يحق لى ان اقول لاى شحص ان احساسك غلط و لكن ممكن اقوله انى مش حاسس نفس احساسك او انى لى احساس معاكس تماما عما تحسه
5)
أنا وصلني معنى أعمق بكتير من اللي وصلك
لا تعليييييييق
اسف للاطالة بس كان لازم اعلق على اللى انت كتبتيه
و لكى كل الحريه فى الرد او اعتبار ان الموضوع انتهى
و فى كل الحالات , الاختلاف لا يفسد للود قضية
كل سنة و انتى طيبة
أعتذر بشدة عن تعليقي الذي كان حاداً أكثر مما يجب .. وأعتذر عن سوء الفهم .. نعم.. الاختلاف لا يفسد للود قضية .. ولكننا لسنا مختلفان:)
أرجو تقبل اعتذاري
لعل عام 2006 يكون أكثر هدوءاً وإنجازاً وسعادة واستقرار علينا جميعاً إن شاء الله .. كل سنة وانت طيب…
بالتأكيد اقبل اعتذارك على الرغم انى مش شايف ان فيه حاجة محتاجة انك تعتذرى علشانها
تعقيبى على تعليقك كان بدافع توضيح بعض النقط لانى مابحبش حد يفهمنى غلط او يأخد صورة مش مضبوطة عنى
و اخيرا , ـ
سعيد بالمناقشة الثرية و اكثر سعادة بمعرفتك………شكرا لكى
أنا كمان أشكرك .. وأنا كمان سعيدة
No space for me to talk then
I guess I came too late
but I really can spot some problems here:
1- the effect of the background even on simple poetry, it is clear that is why taste differs from one to another, based on the background of the person of course, for me, the word “shaked me” is something strong, it reminds of of strong act like wind or earthquake, a thing that change things and move it, it never came to my mind the “dancing thing”
2- “read but never learnt”, ensan took it as is,and here he complaigned, I believe it is just a note to mean that the person’s mind was closed, he had the info but he didn’t let it in, he traveled but the places didn’t enter his soul
personally, I love the words of the song, I feel it can hold much other than what you can get from the first look, just read it again
فعلاً كلامك صحيح يا Free Soul..
أنا سعيدة جداً إن الأغنية عجبتك، أنا بحب كلمات الأغنية وألحانها وتوزيعها واللي بيغنوها.. كان نفسي أقدر أنزلها على المدونة حتى يستطيع أن يسمعها الجميع وتعرض الأغنية بأبعادها الموسيقية والغنائية .. مش عارفة لو ده ممكن ولا لأ..
مش عارف اذا كان فيه علاقة بين المناقشة الطويلة اللى دارت بخصوص اخر بوست و حالة السكوت الطويلة اللى انت دخلتى فيها و لا لأ ؟؟ بس عموما انا مفتقد موضوعاتك و منتظر منك الجديد ان شاء الله
كلماتك ترفع من معنوياتي كثيراً، لم أتصور أن هناك من يتتبع كتاباتي أو مدونتي..
ليس هناك علاقة بين مناقشاتنا وبين اختفائي ولكن هناك أسباب أخرى وراء ذلك هي في طريقها إلى الزوال بإذن الله ولكن هناك عطل فني سيأخرني لفترة أرجو ألا تطول، فأنا أكتب الآن من إنترنت كافيه
أشكرك على سؤالك
وحتى ذلك الحين هل اتطلعت على مدوناتي الجديدة الأخرى؟ لقد أصبح لدي أكثر من مدونة..
بالتأكيد سأستفيد من رأيك إذا أتيحت لك الفرصة لزيارتهم
أنا عجبتني أوي الأغنية, وكلماتها حلوة جدا وفيها معنى حلو
ربنا يزيد و يبارك و اتمنى لك التوفيق فى المدونات الجديدة و لو انى مش عارف ازاى هقدر الاحق عليهم
This pc at this intenet cafe doesn’t want to write Arabic! Sorry
for that..
I think you will manage to follow up cause probably you’ll be faster than I am!!!
And by the way, there is one more to come specialized for raising children.. enshaa Allah..
Marwa..
I’m glad you liked the song.. I LOVE it:)
I will visit your blog as soon as I can..
أعجبتني مدونتك
أفكارك تسابق الريح واختيارك للموضوعات يؤكد ذكاءك
http://yasser-best.blogspot.com/
أشكرك بشدة وعذراً إن كنت تأخرت عن زيارة مدونتك